Осы тақырыпта Шымкент қаласының Дін мәселелерін зерттеу орталығының теологтары «Шымкент университеті» және «Тамақтандыру индустриясы және сервис» колледжі студенттері арасында ақпараттық-түсіндірме жұмыстарын жүргізді.

Аталмыш шара барысында бүгінгі таңдағы өзекті деген үлкен мәселелердің бірі – дін саласындағы түрлі кереғар діни ағымдардың қаптап кетуі сөз болды. Олардың жақтастарының қоғамда және интернет кеңістігінде белсенді жұмыс атқарып жатқаны айналаға, соның ішінде жастарға ерекше әсер етіп, адамдардың негізгі құқықтарына нұқсан келтіріп ұдайы адастырумен келетіндігі жайлы айтылды. Сонымен қатар теолог мамандар Жұмаділлә Бексұлтан, Серік Бекеулов, Уәлихан Самат шетелде діни білім алудың қауіптілігі жайында егжей-тегжейлі түсіндірді.

Сондай-ақ маңызды кездесуде теолог маман мен студенттер арасында сұрақ-жауап алмасып, жастар өз ойларымен бөлісті. Нәтижесінде ақпараттық-түсіндірме жұмыстармен қамтылғандардың саны 80-ге жуық адам болды. 

Материал Шымкент қаласы бойынша Терроризмге

қарсы комиссия аппаратының ақпараты негізінде дайындалды

Источник: Антитеррористический центр Республики Казахстан