Соңғы онжылдықта бүкіл әлемде терроризм мен экстремизмнің құбылысы, оның нысандары мен көріністері байқалуда. Ол мемлекеттің тұтастығына, қоғамның бірлігіне үлкен қауіп-қатер төндіреді. Бұл туралы Түркістанда облыс әкімі Дархан Сатыбалдының төрағалығымен терроризмге қарсы комиссияның кезекті отырысында айтылды.

Іс-шараға облыстық терроризмге қарсы комиссияның мүшелері мен құзырлы органдардың басшылары, тиісті департаменттердің басшылары және аудан, қала әкімдері қатысты.

Комиссияның белгіленген жұмыс жоспарына сәйкес, күн тәртібінде болған бірнеше өзекті тақырыптар қарастырылды. Мысалы «Ж

астар ортасында терроризм мен экстремизмнің алдын алуды жетілдіру, проблемалар мен оларды шешу жолдары» және «Терроризмге қарсы іс-қимыл саласында ұйымдастырылып жатқан насихаттық жұмыстар».

Сонымен қатар жиналыста Түркістан қаласы, Созақ және Сауран аудандарының терроризмге қарсы комиссиясының атқарған жұмыстарының есебі тыңдалып, сала басшыларына оңтайлы шешімдер мен жүйелі шараларды үйлестіру жөнінде тапсырмалар берілді.

Сондай-ақ, қазіргі таңдағы діни ахуал мәселесі және жастар бойындағы теріс бағытты идеологияға қарсы мектеп табалдырығынан бастап иммунитет қалыптастыруға бағытталған кешенді іс-шаралардың атқарылуы талқыланып, бұл бағытта биыл бүгінгі күнге Түркістан облысының ТҚК аппаратының 14-ші отырысы өткізілгендігі назарға алынды.

Мәжіліс соңында, мемлекетіміздегі діни ахуалдың тұрақталуы туралы негізгі бағаны беретін – халық екендігі атап өтіліп, жоғары мәдениетке және қоғамды тәрбиелеуге негізделген еліміздің рухани байлығын сақтау, одан әрі арттыру үшін жұмыстарды жандандыра беру керектігі айтылды.

 

Материал Түркістан облысы бойынша Терроризмге

қарсы комиссия аппаратының ақпараты негізінде дайындалды

______________________________________________________________

Источник: Антитеррористический центр Республики Казахстан