Ағымдағы жылдың 16 маусымында Мемлекеттік қызмет істері агенттігінің төрағасы Дархан Жазықбай мен «Атамекен» Ұлттық кәсіпкерлер палатасы Төралқа төрағасы Қанат Шарлапаевтың қатысуымен сыбайлас жемқорлық тәуекелдерінің алдын алу мәселелері бойынша жиын өтті. Жиынға 100-ден астам кәсіпкер мен «Атамекен» Ұлттық кәсіпкерлер палатасының аумақтық департаменттерінің өкілдері қатысты.

Іс-шара барысында Агенттік төрағасы Дархан Жазықбай елімізде бизнес пен мемлекеттің өзара іс-қимыл ауқымы жылдан жылға артып келе жатқанын атап өтті. Бұған 2025 жылдың қорытындысы бойынша мемлекеттік сатып алу көлемінің 9,6 трлн теңгеге жетуі дәлел, бұл өткен жылғы 5,3 трлн теңгеден едәуір жоғары. Осы ретте Төраға жекеменшік сектордағы сыбайлас жемқорлыққа қарсы іс-қимыл Қазақстан Республикасының Сыбайлас жемқорлыққа қарсы саясаты тұжырымдамасының негізгі бағыттарының бірі екенін ескертті. Оның айтуынша, мемлекет пен бизнестің күш-жігерін біріктіру адалдық мәдениетін қалыптастыруға, тиімді сыбайлас жемқорлыққа қарсы стандарттарды енгізуге және кәсіпкерлік қызметтің ашықтығын арттыруға мүмкіндік береді.

Іс-шара аясында Агенттік төрағасы мен «Атамекен» ҰКП Төралқа Төрағасы өзара ынтымақтастық туралы меморандумға қол қойды. Меморандум мемлекеттік органдар мен бизнесқоғамдастық арасындағы өзара іс-қимылды нығайтуға, кәсіпкерлердің құқықтары мен заңды мүдделерін қорғауға, сондай-ақ кәсіпкерлік қызмет саласындағы сыбайлас жемқорлық тәуекелдерінің алдын алуға бағытталған. Тараптар сыбайлас жемқорлыққа қарсы мәдениетті қалыптастыру, әкімшілік кедергілерді азайту, мемлекеттік сатып алу саласындағы ашықтықты арттыруға бағытталған бірлескен жұмыстарды жүргізуге келісті. Қол қойылған меморандум мемлекеттік институттар мен бизнес-қоғамдастық арасындағы диалогты нығайтуға, кәсіпкерлік қызмет үшін қолайлы жағдайлар жасауға және сыбайлас жемқорлықтың төзбеушілік мәдениетін күшейтуге ықпал етеді деп күтілуде.

Источник: Агентство Республики Казахстан по делам государственной службы