Ағымдағы жылдың 08 қыркүйегінде ҰҚК Алматы қаласы департаментінің Терроризмге қарсы орталық бөлімі мен Полиция департаментінің Экстремизмге қарсы іс-қимыл басқармасының қызметкерлері сауда объектілерін терроризмге қарсы қорғау тұрғысынан тексеруді қайта жандандырды. Белгіленген сауда орталықтарын, қоймалар мен жертөлелерді аралап тексеру жұмыстары жүргізіледі, эвакуация схемалары мен бейнебақылау жүйесі зерттеледі.   Терроризмге қарсы қорғалудың жай-күйі қазіргі заманғы инженерлік-техникалық жабдықтың болуына да, сондай-ақ персоналдың қиын жағдайда әрекет етуге дайындығына да байланысты. Ол үшін нысандардың басшылары оқу-профилактикалық және өзге де іс-шараларды өткізуді қамтамасыз етуі тиіс. Террористік тұрғыдан осал барлық нысандар тексеруге жатады.Эвакуация схемасына, баспалдақтардың алаңына және апаттық шығудың қолжетімділігіне ерекше назар аударылады. Сонымен қатар тексеру аясында террористік қауіп төнген жағдайда сауда орталықтарының қызметкерлерін оқыту түсіндіру жұмыстары жүргізілді.

 ҚР ҰҚК Алматы қаласы бойынша департаментініңТерроризмге қарсы орталық бөлімі

Источник: Антитеррористический центр Республики Казахстан