Алматы облысының радикалды идеологияның алдын-алу бағытында қызмет атқаратын мамандардың кәсіби біліктілігін арттыруға арналған                              3 күндік оқыту курсы ұйымдастырылды.

Аталған іс-шара Алматы облысы Дін істері басқармасының ұйымдастыруымен «Novotel» қонақ үйінің мәжіліс залында өткізілді.

Біліктілікті арттыру курсында Алматы облысы Дін істері басқармасының басшысы Көшеке Ерғали Ахилбекұлы экстремизм мен терроризмнің алдын-алу жұмысының маңыздылығына тоқталып, қоғамдағы діни экстремизмнің қоғамға қауіптілігі туралы айтып өтті.

Курстың басты мақсаты – оңалту субъектілерінің біліктілігін арттыру, облыс тұрғындарымен жұмыс жүргізуде жаңа әдістемелік тәсілдерді қолдану, сондай-ақ облыстың тұрғындары мен қонақтары арасында экстремистік идеологияның таралуын алдын алу бойынша тиімді оқыту курсын ұйымдастыру және өткізу.

Іс-шара барысында экстремизм мен терроризмді алдын алу саласындағы спикерлер дәріс жүргізіп, ғылыми және қызметтік білімдерімен бөлісті.

Аталған бастама халықтың сұранысына жауап беретін, білімді де білікті мамандарды қалыптастыру және қоғамның тұрақтылығын сақтаудағы іс-шаралардың бірі.

Материал Алматы облысының ТҚК ақпараты негізінде дайындалды

Источник: Антитеррористический центр Республики Казахстан