Атырау қаласында «Жәрдем-Атырау» корпоративтік қорының ұйымдастыруымен Атырау энергетика және құрылыс және Атырау жоғары көпсалалы «Болашақ» колледждерінде ата-аналармен жиналыс өткізілді.

Жиынның негізгі мақсаты – экстремизм мен терроризм көріністерінің таралуына жол бермеу, қоғамдағы келеңсіз жағдайларды алдын алу, кәмелетке толмағандар арасындағы құқық бұзушылықтың, қылмыстардың алдын алу жолдары, жасөспірімдер арасындағы стресс пен суицидке жол бермеу.

«Шапағат» деструктивтік діни ағымдардан жапа шеккендерге көмек орталығы» қоғамдық қорының теолог мамандары Майра Ізбасарқызы, Нұрбек Дидарбекұлы, Нұр-Мубарак университетінің «Теология» бөлімінің студенті Айнұр Еділбайқызы және Сұлтангелді Сариевтің қатысуымен «Колледж және отбасы ынтымақтастығы» тақырыбында дәріс оқыды.

Сонымен қатар сарапшылар «Діни экстремизмнің қауіпіне қарсы тұрудың мәселелері мен болашағы» тақырыбында түсіндіру жұмыстарын жүргізді.

Ата-аналар мен оқушылар ұсынылған тақырыптарға қызығушылық танытты. Олар ой елегінде жүрген сұрақтарын қойып, толыққанды жауаптарын алды.

Материал Атырау облысы Терроризмге қарсы комиссия

аппаратының ақпараты негізінде дайындалды

____________________________________________________________

Источник: Антитеррористический центр Республики Казахстан