Шымкент қаласының прокуратурасы мен әкімдік жанындағы Терроризмге қарсы комиссия аппараты адамдар көп жиналатын объектілердің басшылары мен күзет қызметтеріне профилактикалық іс-шара өткізді.

Оқу-жаттығуға «Алаш», «Самал», «Автонұр», «Акбар» және «Айна» базарлары мен «Әл-Фараби», «Метро», «Баян Сұлу», «Гипер Хаус», «Rаһіmа Рlаzа», «Меgа Рlаnеt», «Duг Рlаzа», «Dіаmоnd Рlаzа» және «Sһуmкеnt сіtу таll» ойын-сауық және сауда орталықтары, сондай-ақ мәдениет ұйымдары, көлік инфрақұрылым объектілердің басшылары мен қауіпсіздікті ұйымдастыруға бекітілген жауапты қызметкерлері қатысты.

Іс-шара барысында террористік сипаттағы өзекті қатерлер және терроризм актісін жасауға кедергі келтіретін (объектіге қатысты терроризм актісін жасау тәуекелін азайтатын), сондай-ақ террористік қатерлердің салдарын барынша азайтуға және (немесе) жоюға ықпал ететін жағдайлар жасау туралы хабардар болуын арттыру бойынша мән-жайлар жеткізілді.

Сонымен қатар объектілердің басшыларына ғимараттарда орналасқан хабарлау жүйесін заңнама талаптарына сәйкестендіру, объектіде терроризм актісі жасалған жағдайда персоналды және келушілерді құлақтандыруды және эвакуациялауды тиісінше ұйымдастыру, келушілер мен персоналды объектіден қауіпсіз және уақтылы эвакуациялауға үйрету мәселесін назарға алу қажеттігі жеткізілді.

Отырыс нәтижесі бойынша қала прокурорының орынбасары құқық қорғау органдары мен жергілікті атқарушы органдарға өзара іс-қимылды таныту және объектілерге әдістемелік көмек көрсету мәселелер бойынша бірнеше тапсырма берді.

Материал Шымкент қаласы бойынша Терроризмге қарсы

комиссия аппаратының ақпараты негізінде дайындалды

Источник: Антитеррористический центр Республики Казахстан