Қазығұрт ауданы әкімінің аппаратында мемлекеттік қызметкерлер мен қоғам өкілдерінің қатысуымен экстремизм мен терроризмге қарсы ақпараттық-түсіндіру жұмыстарының барысы талқыланды. Іс-шараның мақсаты – экстремизм мен терроризмге қарсы іс-қимылда аудандық деңгейдегі үйлесімділікті күшейту, жергілікті атқарушы органдардың бұл бағыттағы профилактикалық жұмыс сапасын арттыру және қоғамдық қауіпсіздікті қамтамасыз етуге бағытталған ортақ стратегияны нақтылау болды.Кездесу барысында қатысушыларға экстремизм мен терроризмнің заманауи сипаты, олардың таралуының жасырын тетіктері, әлеуметтік, саяси және ақпараттық кеңістіктегі ықпал ету формалары туралы деректер ұсынылды.Кездесуге арнайы шақырылған қонақтар экстремизм мен терроризм профилактикасындағы әр сала қызметкерлерінің рөлі мен жауапкершілігін нақтылап, маңызын түсіндірді.Жиында экстремизм мен терроризм профилактикасы бойынша аудан көлемінде атқарылып жатқан жұмыстары сараланып, жұмыс нәтижелері мен проблемалық тұстары талданды және болашақта іске асырылуы тиіс нақты қадамдар талқыланды.Әсіресе, халықпен тікелей жұмыс жүргізетін мемлекеттік қызметшілердің экстремизм мен терроризмге қатысты тәуекелдерін ерте анықтау, ақпарат таратуда сақтықты ұстану және күмәнді әрекеттерге дер кезінде әрекет ету маңызды екені жеткізілді.Барлық мекеме басшыларын профилактикалық жұмыстарды күшейтуге шақырып, әрбір қызметкердің жеке ұстанымы мен кәсіби біліктілігі профилактикалық шараларға тікелей әсер ететіндігі туралы сөз қозғалды.Жиын қорытындысымен қызметкерлерге экстремизм мен терроризм профилактикасына қатысты әдістемелік ұсынымдар мен ақпараттық материалдар тарату, ақпараттық жұмыстарды күшейту туралы тапсырмалар жүктеді.

Материал Түркістан облысы ТҚК аппаратының ақпараты негізінде дайындалды

Источник: Антитеррористический центр Республики Казахстан