Қазақстан Республикасы Мемлекеттік қызмет істері агенттігі,  Президент жанындағы Мемлекеттік басқару академиясы мен Түркия Республикасы Президентінің жанындағы Адам ресурстарын басқару жөніндегі офис арасындағы ынтымақтастық аясында еліміздің мемлекеттік қызметшілері тәжірибе алмасу және біліктілігін арттыру мақсатында Анкара қаласында тағылымдамадан өтуде.

Тағылымдамаға еліміздің 6 өңірінен жергілікті атқарушы органдарда инвестициялар және кәсіпкерлікті дамыту, құрылыс, сәулет және қала құрылысы, қаржы, табиғи ресурстарды пайдалануды реттеу салаларына жетекшілік ететін 13 мемлекеттік қызметші қатысуда.

Тағылымдамаға қатысушы мемлекеттік қызметшілер Түркияның адами ресурстарды басқару саласын цифрландыру тәжірибесімен, HR Кеңсесінің қызметімен танысты.

Сондай-ақ олар министрліктер мен ведомстволық бағынысты ұйымдарда Түркия Республикасының инвестициялар Кеңсесінің инвистициялық ынталандыру қызметімен, шағын және орта кәсіпкерлік эко жүйені нығайту бойынша іс-шараларымен, KOSGEP кәсіпкерлікті қолдау бағдарламаларымен, муниципалитетің инфрақұрылым қызметімен, Ауыл және орман шаруашылығы министрлігінің жұмысымен, урбанизация және климат министрлігінің табиғи ресурстарды және қоршаған ортаны қорғау бойынша жобаларымен, ILBANK ұйымының жобаларымен, қаланы қалпына келтіру, туризмді ынталандыру, көлік және инфрақұрылым саласы жұмысымен де танысты.

Атап өту керек, өткен жылдан бері Түркия республикасында 35 Қазақстандық мемлекеттік қызметші тағылымдамалардан өтті.

Источник: Агентство Республики Казахстан по делам государственной службы