2025 жылғы 3–5 желтоқсан аралығында Уфа қаласында (Башқұртстан Республикасы) Халықаралық бизнес апталығы (ХБА) өтеді (https://ibw-bashkortostan.com/). Аталған платформа – мемлекет пен бизнес өкілдерінің өзара тиімді диалог орнатуына, өзекті мәселелерді талқылауына және практикалық шешімдер әзірлеуіне мүмкіндік беретін кәсіби коммуникациялық алаң.

ХБА қазақстандық кәсіпкерлер үшін тәжірибе алмасуға, жаңа серіктестіктер қалыптастыруға, экспорттық мүмкіндіктерді кеңейтуге және перспективалық нарықтарды зерделеуге қолайлы мүмкіндік ұсынады.

Іс-шараның негізгі мақсаты – қазақстандық өндірушілер мен Башқұртстан импорттаушылары арасында тікелей іскерлік байланыс орнату, сауда-экономикалық қатынастарды жандандыру және B2B форматында екіжақты кездесулер өткізу. Сонымен қатар, форум аясында Башқұртстан кәсіпорындарына көшпелі сапарлар ұйымдастырылып, өндірістік тәжірибе алмасу, кооперация мүмкіндіктерін талқылау және ұзақ мерзімді әріптестік орнату жоспарлануда.

Башқұртстан бизнесінің қазақстандық өнімге қызығушылығының жоғары екенін ескере отырып, аталған іс-шара экспортты ілгерілету мен жаңа іскерлік байланыстар орнату тұрғысынан тиімді алаң болатынына сенімдіміз.

Осыған байланысты, өңір/сала кәсіпкерлерін алдағы іс-шара туралы хабардар етіп, қатысуға ынталандыруларыңызды сұраймыз.

Өтінімдерді қабылдау мерзімі – 2025 жылғы 1 желтоқсан, сағат 10:00-ге дейін.

Барлық ұйымдастыру мәселелері бойынша келесі байланыстарға жүгінуге болады: +7 706 430 8613, +7 777 284 6698, m.salyk@qaztrade.org.kz, a.esentaev@qaztrade.org.kz

ХБА-ге тіркелу сілтемесі:  https://docs.google.com/forms/d/1ZTsieiciNcv4tIIRT7mkJlpKJZWKnSmqTXC_snDtt7Y/edit

Источник: ГУ «Отдел сельского хозяйства, земельных отношений и предпринимательства города Сарани»