Түркістан облысы, Келес ауданы, Жамбыл ауылдық округінің тұрғындарына «Идеологиялық қауіптермен күрес: саналы көзқарас – сенімді қорған» тақырыбында экстремизм мен терроризмге қарсы ақпараттық түсіндіру жұмыстары жүргізілді. Кездесу аудандық Терроризмге қарсы комиссиясының үйлестіруімен ұйымдастырылып, ақпараттық насихаттық топ мүшелері арнайы шақыртылды. Іс-шараның мақсаты – ауыл тұрғындары арасында экстремизм мен терроризмге қарсы тұрақтты иммунитетті қалыптастыру, халықтың құқықтық және ақпараттық сауаттылығын арттыру, террористік әрекеттердің алдын алу болып табылады.  Кездесуде экстремизм ен терроризмнің анықтамасы, белгілері, қауіптілігі және зардаптары туралы ақпараттар берілді.                            Терроризмнің жаһандық және ұлттық қауіптері, террористік әрекеттердің алдын алудың ұлттық механизмдері мен террористік ұйымдардың идеологиялық ықпал ету тәсілдері талқыланды. Интернеттегі экстремистік және террористік контенттерді тану, әлеуметтік желілер арқылы таралатын теріс ұйымдардың ықпалына түсіп қалмау жолдары, терроризмді насихаттаудың жасырын тәсілдері, қоғамдағы алауыздықты қоздыруға бағытталған экстремистік риторика туралы сөз қозғалды.  Терроризмге қарсы іс-қимыл туралы ұлттық заңнама нормалары, экстремистік әрекетке бейім мінез-құлық белгілері және оларды ерте кезеңде анықтаудың маңыздылығы туралы ақпарат ұсынылды. Кездесу соңында қатысушылар тарапынан сұрақтар қойылып, тұщымды жауаптар берілді.     Материал Түркістан облысы бойынша ТҚК аппаратының ақпараты негізінде дайындалды

Источник: Антитеррористический центр Республики Казахстан