Түркістан облыстық Терроризмге қарсы комиссиясының үйлестіруімен Келес ауданының кәсіпкерлеріне экстремизм мен терроризмнің алдын алу мақсатында ақпараттық-насихаттық түсіндіру жұмыстары жүргізілді.Іс-шараның мақсаты – кәсіпкерлік субъектілері арасында экстремизм мен терроризмге қарсы иммунитет қалыптастыру, қоғамдық тұрақтылықты сақтау, алауыздық пен жат ағымдардың алдын алу болып табылады.Кездесу барысында қатысушыларға радикалды идеологиялар мен экстремистік әрекеттердің қауіптері, терроризмнің салдары мен оның алдын алу жолдары туралы ақпарат берілді.Кәсіпкерлердің жұмыс орнында тұрақтылықты нығайтудың, күдікті жағдайлар орын алған кезде дереу тиісті органдарға хабарлаудың маңыздылығы түсіндірілді.Сонымен қатар, интернеттегі радикалды мазмұнды ақпараттарға ұшырамау жолдары, экстремизм мен терроризмнің белгілері, түрлері және зардаптары туралы сөз қозғалды.Мамандар нақты мысалдар келтіре отырып, түрлі әлеуметтік желілерде таралатын радикалды контенттердің қалай танылатынын және оған қарсы қандай әрекеттер қолдануға болатынын көрсетті.Шараға арнайы шақырылған мамандар экстремизм мен терроризмнің психологиялық және идеологиялық әсері туралы терең талдау жасап, өз тәжірибелерімен бөлісіп, ашық диалог орнаттыЖиын қорытындысымен кәсіпкерлерді заң талаптарын сақтауға, еліміздің жүргізіп отырған саясатын әрі қарай ілгерілетуге, жұмыс орындарда тұрақтылық пен келісімді нығайтуға шақырып, қойған сұрақтарына толық жауап берді.

Материал Түркістан облысы бойынша ТҚК аппаратының ақпараты негізінде дайындалды

Источник: Антитеррористический центр Республики Казахстан