А.ж. 19 маусымда Түркістан облысы әкімдігі жанындағы Терроризмге қарсы комиссия (әрі қарай – ТҚК) аппараты құрамында жұмысшы топ құрылып (облыстық ТҚК аппараты, ҰҚКД, ПД, дін істері басқармасы, қоғамдық даму басқармасы), Келес ауданына қызметтік іс-сапар ұйымдастырылды.

Қызметтік іс-сапардың мақсаты – аудандық ТҚК-ның қызметіне әдістемелік-тәжірибелік көмек көрсету, профилактикалық шараларды жандандыру, жұмыс барысында туындаған мәселелерінің шешімдерін қарастыру болып табылады.

Іс-сапар барысында аудандық ТҚК және жұмысшы тобының кезектен тыс отырысы өткізіліп, өңірдегі ДДА жақтастары арасындағы экстремизм мен терроризмнің алдын алу бойынша жұмыс деңгейі төмен немесе жұмыстарын тиісті деңгейде ұйымдастырмаған бөлім басшылары (аудандық ішкі саясат, білім, полиция бөлімдері) тыңдалды.

Бұдан бөлек, профилактикалық шараларды жандандыру мен тәуекел топтар арасында деструктивті діни ағым идеологиясына қарсы тұрақты иммунитет қалыптастыру жөнінде баяндамалар жасалып, мәселелер талқыланды.

Сонымен бірге, комиссия мүшелері тарапынан баяндамашыларға тиісті сұрақтар қойылып, аталған бағытта жұмыстарды жүйелі ұйымдастыруды тапсырды.

Отырыстардың қорытындысы бойынша аудандық ТҚК қызметіндегі орындаушылық тәртіп туралы мәселелері қаралып, сын-пікірлер айтылды және жұмыстарды жандандыру бағытында тиісті хаттамалық тапсырмалар берілді.

Материал Түркістан облысы бойынша ТҚК аппаратының ақпараты негізінде дайындалды

Источник: Антитеррористический центр Республики Казахстан