Ұлытау облысы әкімі Д. Рысбековтің төрағалығымен а.ж. 28 мамыр күні Ұлытау облыстық терроризмге қарсы комиссиясының кезекті отырысы өткізілді.

Комиссия отырысына облыстық терроризмге қарсы комиссия мүшелері мен құзырлы органдардың басшылары, тиісті департаменттердің басшылары және қала, аудан әкімдері қатысты.

Отырыс барысында терроризм мен діни экстремизмге қарсы іс-қимыл саласындағы өзекті мәселелер қаралды.

Комиссияның белгіленген жұмыс жоспарына сәйкес, күн тәртібінде:

- Тәуекел дәрежесі жоғары нысаналы топтарға (жұмыссыздар, өзін-өзі жұмыспен қамтығандар, азаматтардың әлеуметтік осал санаттары, еңбек мигранттары және т. б.) түсіндіру, оңалту және профилактикалық жұмыстардың нәтижелері;

- Радикалды идеологияға иммунитетті қалыптастыру және діни араздықты немесе алауыздықты қоздыруға жол бермеу жөніндегі халықпен жүргізіліп жатқан ақпараттық-түсіндіру іс-шараларына, сондай-ақ профилактика субъектілері жұмысының жай-күйі туралы қала, аудандардың есебі тыңдалып, сала басшыларына оңтайлы шешімдер мен жүйелі шараларды үйлестіру жөнінде тапсырмалар берілді.

Сондай-ақ, дене шынықтыру және спорт саласындағы діни экстремизм мен терроризмнің алдын алу бойынша кешенді іс-шаралардың атқарылуы талқыланды.

Кездесу соңында күн тәртібіндегі өзекті мәселелер бойынша бірқатар хаттамалық шешімдер мен өңірдегі діни ахуалды сауықтыруға бағытталған тиісті шаралар қабылданды.

Материал Ұлытау облысы бойынша ТҚК

аппаратының ақпараты негізінде дайындалды

Источник: Антитеррористический центр Республики Казахстан