Жамбыл облысында дін мәселелері жөніндегі республикалық ақпараттық-түсіндіру тобы мамандарының қатысуымен Тараз қаласында семинар және әртүрлі форматтағы іс-шараларды ұйымдастыру шеңберінде өңір тұрғындарымен бірқатар кездесулер өткізілді.

Спикерлер ретінде теологтар, дінтанушылар - Б.Құлназаров, Е.Бекбосынов, Ж.Садықова, Қ.Анарбаев сынды РАТТ мүшелері тартылды.

Өткізілген іс-шараларда өңірлердің тұрғындарына Қазақстан халқының мәдениеті мен рухани мұрасына, терроризм идеологиясының зияндылығына бағытталған дін саласындағы мемлекеттік саясаттың мәні туралы ақпараттар берілді.

Жастар ресурстық орталығының дінтанушысы Тараз инновациялық көпсалалы колледжінде «Қазіргі діни ахуал» тақырыбында дәріс өткізді.

№3 облыстық мамандырылған балалар-жасөспірімдер спорт мектебінде жат діни ағымдарға қарсы кездесу өтті. Шараға облыстық полиция департаментінің қызметкерлері, қалалық дін саласындағы ақпараттық-түсіндіру тобының мүшесі, дінтанушы-магистр Б.Алпысбаев және оқушылардың ата-аналары қатысты.

Б.Алпысбаев өз сөзінде мектеп оқушыларына қоғамдағы жаман іс-әрекеттерден алыс болу, адамның бойындағы адамгершілік, патриоттық, ұлтжандылық қасиеттерді жоғалтпау ең басты құндылық екендігін  айтып өтті.

Материал Жамбыл облысы бойынша Терроризмге

қарсы комиссия аппаратының ақпараты негізінде дайындалды

_____________________________________________________________________

Источник: Антитеррористический центр Республики Казахстан