Қызылорда облысының аумағында терроризм және діни экстремизммен күрес бағыты бойынша профилактикалық іс-шаралар тұрақты түрде жүргізілуде.

Осы ретте, облыстық Дін істері басқармасының және дін мәселелерін зерттеу орталығының мамандары Қызылорда қаласының жұмыспен қамту және әлеуметтік бағдарламалар бөлімінің қызметкерлерімен діни сауаттылықты арттыру мақсатында дөңгелек үстел өткізді.

Кездесу барысында зайырлылық қағидаттары, жат ағымдардан сақтану жолдары, интернеттен діни білім алудың қауіптілігі туралы айтылды.

Сонымен қатар сарапшылар атап өткендей, жұмыссыздық мәселесі экстремизм мен терроризмнің таралуына қолайлы негіз болады. «Осы тұста тұрғындар арасында жұмыспен қамту бойынша мемлекеттік бағдарламалар жайлы жан-жақты түсіндірме жұмыстарын жүргізу қажет», - деді сала мамандары.

Іс – шара соңында қатысушылар өзара пікір алмасып, таңдалған тақырыптар төңірегінде көптеген сұрақтарды талқылады.

Материал Қызылорда облысы Терроризмге қарсы

комиссия аппаратының ақпараты негізінде дайындалды

____________________________________________________________

Источник: Антитеррористический центр Республики Казахстан