СҚО әкімдігінің Дін Істері басқармасының профилактикалық ақпараттық-түсіндіру жұмыстарын жүргізу шеңберінде СҚО әкімдігінің Кәсіпкерлік және индустриялық-инновациялық даму басқармасының қолдауымен дөңгелек үстел өтті.

Іс-шарада «Дін саласындағы заңнаманы түсіндіру», «Терроризмді қаржыландырудағы қылмыстық жауапкершілік», «Дәстүрлі емес діни ағымдардың белгілері» сынды тақырыптар қарастырылды.

Дөңгелек үстелдің мақсаты – қоғамда радикалды діни идеялардың таралуын болдырмау, кәсіпкерлер арасында дінтану сауаттылығын арттыру арқылы діни экстремизмнің алдын алу, дін саласындағы мемлекеттік саясатқа сәйкес түсіндіру жұмыстарын жүргізу және экстремистік ұйымдарды қаржыландыруға жол бермеу.

Аталған іс-шараның спикерлері ретінде ЖАО және құқық қорғау органдарының өкілдері Конфессияаралық қатынастарды талдау және дамыту орталығының басшысы А. Қожабаев., СҚО әкімдігінің ДІБ бас маманы Н.Нұрмағамбет.,  СҚО ПД ЭҚБ бөлімінің басшысы Е. Мырзағұлов., СҚО прокурорының көмекшісі Р. Насыров, сондай-ақ облыстың ірі бизнес және құқық қорғау органдарының өкілдері қатысты. 

Материал СҚО Терроризмге қарсы комиссиясы аппаратының ақпараты негізінде дайындалды

Источник: Антитеррористический центр Республики Казахстан