Түркістан облысы Терроризмге қарсы комиссиясының ұйымдастыруымен Отырар аудандық полиция бөлімінің қызметкерлеріне экстремизм мен терроризмге қарсы ақпараттық түсіндіру жұмыстары жүргізілді.Кездесуге облыстық Терроризмге қарсы комиссиясының және ақпараттық насихаттық тобының мүшелері қатысты.Кездесудің мақсаты – экстремизм мен терроризм идеологиясының алдын алу, қызметкерлер арасында құқықтық сауаттылықты арттыру, радикалды көзқарастардан қорғау және қоғамдағы қауіпсіздік пен тұрақтылықты нығайту болып табылады.Кездесуге арнайы келген ақпараттық насихаттық топ мүшелері, қазіргі таңдағы экстремизм мен терроризмнің алдын алудың маңыздылығына тоқталды.Интернет желісінде таралып жатқан жат идеологияларға қарсы тұрудың жолдары, жеке көзқарасты қалыптастырудың маңыздылығы атап өтілді.Терроризмге қарсы комиссиясының мүшелері, қоғамдағы радикалды ағымдардың белгілері мен қауіптілігі, олардың заңсыз әрекеттеріне араласудың құқықтық жауапкершілігі және қауіпсіздік шаралары туралы пікір білдірді.Жиын нәтижесімен, қызметкерлер арасында діни және құқықтық білімді арттыру, радикалды идеологияға қарсы иммунитетті қалыптастыру күтілуде.Жиын қорытындысымен, қызметкерлермен пікірталас ұйымдастырылып, мәселелер талқыланды.Жиынға барлығы 50-ге жуық қызметкерлер қатысты.

Материал Түркістан облысы бойынша ТҚК аппаратының ақпараты негізінде дайындалды

Источник: Антитеррористический центр Республики Казахстан