Бүгін Құрылтай сайлауына орай облыс орталығында тұрғындарға арналған әлеуметтік жәрмеңке ұйымдастырылды. Жәрмеңкеде Жетісай, Мақтаарал және Шардара аудандарының жергілікті шаруалары мен кәсіпкерлерінің өнімдері, сондай-ақ «Түркістан әлеуметтік-кәсіпкерлік корпорациясы» АҚ тұрақтандыру қоры есебінен жеткізілген азық-түлік тауарлары саудаға шығарылды. Жалпы көлемі 50 тоннаға жуық өнім тұрғындарға ұсынылды. Сауда сөрелерінен ет және сүт өнімдері, жұмыртқа, көкөніс күнделікті тұтынуға қажетті өзге де тауарларды тиімді бағамен сатып алуға мүмкіндік болды. Тауарлардың бағасы нарықтағы құнынан 20-30 пайызға төмен саудаланды. Жәрмеңке қала тұрғындарының әлеуметтік маңызы бар азық-түлік өнімдерін қолжетімді бағамен алуына мүмкіндік беріп, жергілікті шаруалар мен кәсіпкерлердің өнімдерін тікелей тұтынушыға ұсынуына жол ашты. Осылайша, сайлау күні Түркістанда тұрғындар өз азаматтық таңдауын жасап қана қоймай, қажетті азық-түлікті тиімді бағамен сатып алуға мүмкіндік алды.

Источник: ГУ "Аппарат акима Туркестанской области"