Түркістан облысы дін істері басқармасының ұйымдастыруымен Сауран ауданына қарасты «А.Югнаки» жалпы орта мектебінде «Шетелде теологиялық білім алу қаупі» тақырыбында кездесу өтті.

Кездесуге Сауран ауданы әкімдігінің ішкі саясат бөлімінің басшысы Н.Тажыбеков, Түркістан облысының дін істері басқармасы «Дін мәселелерін зерттеу орталығы» КММ-нің бөлім басшысы Ж.Жорабек, Түркістан облысы Қоғамдық даму басқармасының «Қоғамдық келісім» КММ-нің Сауран аудандық филиалының маманы Н.Оспанов, «А.Югнаки» жалпы орта мектебінің директоры Ш.Ахметова қатысты.

Іс-шараның мақсаты шетелде діни білім алудың қауіптілігі мен оның зардаптарын кеңінен түсіндірілу болды.

Кездесу барысында Ж.Жорабек шет елдердегі радикалды ағымдардың қауіптілігі мен сипаттамасы жөнінде мағлұматтар берді.

Сондай-ақ, жастардың аталған ағымдардың ықпалына түсу нәтижесінде халықаралық террористік ұйымдардың құрамын»а қосылу салдарын жеткізді.

Соңында мәселенің өзектілігі атап өтіліп, «Дін мәселелерін зерттеу орталығы» КММ тарапынан дайындалған арнайы бейнероликтер көрсетілді және ақпараттық материалдар таратылды.

Материал Түркістан облысы бойынша Терроризмге

қарсы комиссия аппаратының ақпараты негізінде дайындалды

___________________________________________________________

Источник: Антитеррористический центр Республики Казахстан