Түркістан облысының әкімі – Н.О.Көшеровтың төрағалығымен Түркістан облысы терроризмге қарсы комиссиясының кезекті отырысы өткізілді.  Комиссия отырысына облыстық терроризмге қарсы комиссиясының мүшелері, құзырлы органдардың басшылары мен тиісті департаменттердің басшылары және қала, аудан әкімдері қатысты. Комиссияның бекітілген жұмыс жоспарына сәйкес, терроризм мен экстремизмнің алдын алу бағытындағы өзекті мәселелер бойынша тиісті мемлекеттік органдардың есептері тыңдалып, тиімді шешімдер қабылдау және атқарылып жатқан шараларды үйлестіру мәселелері талқыланды. Спорт ұйымдарындағы қалыптасқан мәселелерге қатысты және оларды шешу жолдары пысықталды. Сондай-ақ, экстремизм мен терроризм идеологиясына қарсы насихаттық жұмыстарын күшейту бойынша есеп берілді. Баяндамашылық тәртіптен кейін, ІІІ тоқсанның қорытындысымен ТҚК қызметі саласындағы орындаушылық тәртіп туралы сын-пікірлер тыңдалды. Мәжіліс соңында ТҚК Төрағасымен қарсы насихаттық жұмыстардың сапасын арттыру, спорт ұйымдарында ақпараттық түсіндіру жұмыстарын белсендету мәселелері талқыланды. Отырыс қорытындысы бойынша анықталған кемшіліктерді жою және алға қойылған жоспар талқыланып, хаттамалық тапсырмалар берілді.     Материал Түркістан облысы бойынша ТҚК аппаратының ақпараты негізінде дайындалды

Источник: Антитеррористический центр Республики Казахстан