Түркістан облысы Келес ауданында Бірлесу ауылдық округінің тұрғындарымен экстремизм мен терроризмнің алдын алуға бағытталған кешенді түсіндіру жұмыстары жүргізілді.Іс-шараға аудандық Терроризмге қарсы комиссиясының мүшелері қатысты.Іс-шараның мақсаты – терроризм мен радикалды идеологиялардың таралуына қарсы ақпараттық иммунитет қалыптастыру, тұрғындардың құқықтық және ақпараттық сауаттылығын арттыру, сондай-ақ қоғамда тұрақтылық пен татулықты сақтау болып табылады.Кездесу барысында мамандар экстремизм мен терроризмнің мәнін, оның қоғамға тигізер зиянын, жастарды қалай арбауға тырысатынын, сондай-ақ олардан сақтану жолдарын түсіндірді.Жат ағымдардың белгілерін, олардың жастармен жұмыс жасау әдістерін және олардан қорғану жолдары жеткізілді.Сонымен бірге, радикалды идеологияның ағымына түскен адамдардың мінез-құлқындағы өзгерістер мен алғашқы белгілері жайлы айтып, отбасындағы қарым-қатынас пен қоғамдағы қолдаудың маңызын ерекше атап өтті.Кездесу қорытындысымен, ауыл тұрғындары тарапынан көптеген сұрақтар қойылып, пікір алмасты. Террористік ұйымдардың интернет кеңістігін қалай пайдаланатынын, балалар мен жасөспірімдерді олардан қалай қорғауға болатынын сұрап, нақты әрі пайдалы жауаптарын алды.

Материал Түркістан облысы ТҚК аппаратының ақпараты негізінде дайындалды

Источник: Антитеррористический центр Республики Казахстан