Созақ аудандық кәсіпкерлерге қызмет көрсету орталығында «Терроризмге қарсы күрес – бейбіт өмірдің негізі» тақырыбында ақпараттық-түсіндіру іс-шарасы өтті. Іс-шараға аудандық Терроризмге қарсы комиссиясы мен облыстық ақпараттық насихаттық топ мүшелері, аудан кәсіпкерлері, мәдениет саласының өкілдері мен қоғамдық ұйым мүшелері қатысты.  Іс-шараның мақсаты – өзін-өзі жұмыспен қамтығандарды терроризм мен экстремизмнің алдын алу бағытындағы білімін жетілдіру, олардың қоғамға төндіретін қауіп-қатерін түсіндіру және террористік қауіп туындаған кезде жасалуы тиіс іс-қимыл тәртібі және алгоритм реттілігін түсіндіру болып табылады.   Нақты мысалдарды пайдалана отырып, объектілерде алғашқы әрекет ету алгоритмі және олардың айналасындағы күдікті адамдар мен заттарды анықтау, орнатылған жарылғыш заттар, қарулы шабуыл, сондай-ақ кепілге алынған кезде, қалай іс-әрекет ету керектігі түсіндірілді.  Сонымен бірге, әлеуметтік желілердегі экстремистік және террористік белгілері бар парақшалар мен контенттерден сақтандыру бойынша танымдық ақпараттар берілді. Экстремистік және террористік ұйымдар – ғаламтор және желі қолданушыларының әлі қалыптасып үлгермеген санасына ықпал ету үшін қолданады.  Мұндай әрекеттің бір қала немесе бір елмен шектелмейтіндігі белгілі. Бұл экстремистік және террористік ұйымдар үшін өте маңызды.  Олардың қызметі өздерінің идеологиясын белсенді түрде насихаттауға, жаңа мүшелерді өз қатарларына тартуға, жақтастарын теориялық және практикалық тұрғыдан оқытуға және өздеріне қарсы шыққан желі қолданушыларына қарсы ақпараттық күрес жүргізуге бағытталатындығы түсіндірілді. Жиын қорытындысымен пікірталас орнатылып, қатысушылар өздерінің сұрақтарына жауаптарын алды.     Материал Түркістан облысы ТҚК аппаратының ақпараты негізінде дайындалды 

Источник: Антитеррористический центр Республики Казахстан