Ү.ж. 26 маусым күні сағат 11:00 де  ҚР ҰҚК Түркістан облысы бойынша департаменті Терроризмге қарсы орталық бөлімінің үйлестіруімен Түркістан облыстық полиция департаментінің аумағында Терроризмге қарсы күрес жөніндегі Түркістан облыстық жедел штаб мүшелері мен жедел топ жетекшілерін террористік сипаттағы қауіптерге ден қоюға даярлау және даярлықты ұстау мақсатында,  «Хабарландыру және өзара ақпараттандыру жүйесін бағалау» бойынша қоршап алу және тосқауыл қою топтарын техникалық байланыс құралдары (телефон) арқылы хабарлап, дайындығын тексеру бойынша іс-шара өткізілді.

Нәтижесі бойынша, қоршап алу және тосқауыл қою топтары толық жиналып, террористік қауіп қатерге дайындығын көрсетті.

Сонымен бірге, қоршап алу және тосқауыл қою топтарын жедел басқару орталығы ғимаратына жинап, ҚР ТҚО Штабымен дайындалған слайд және бейнематериалдарды ұсына отырып іс-қимыл әрекеттеріне жеке-жеке тоқталып, түсіндіру жұмыстары жүргізілді.

Бұл шара Түркістан облыстық жедел штабының жедел топ жетекшілерінің кәсіби деңгейін арттырып, терроризмге қарсы дайындығын күшейтуге өз септігін тигізді.

Терроризмге қарсы күрес жөніндегі Түркістан облыстық жедел штабы

Источник: Антитеррористический центр Республики Казахстан