ҚР ҰҚК Жамбыл облысы бойынша департаменті ТҚО бөлімімен Тараз қаласының мұнай-газ саласының өкілдерімен семинар сабақ өткізілді.

Іс-шараға «ТаразГАЗ-Терминал» ЖШС, «Азия нефтепродукт» ЖШС, «PETRO Bazis» ЖШС, «ALAN Gaz» ЖШС, «Амангелды НПЗ» ЖШС мұнай-газ кәсіпорындарының өкілдері қатысты.

Кәсіпорын өкілдеріне «Қазақстан Республикасы Энергетика министрлігінің қарамағындағы террористік тұрғыдан осал мұнай-газ саласы объектілерінің терроризмге қарсы қорғалуын ұйымдастыру жөніндегі нұсқаулықты бекіту туралы» ҚР Энергетика министрінің 2023 жылғы 15 наурыздағы №106 бұйрығы жеткізілді.

Семинар барысында объектілерді инженерлік-техникалық жарақтандыру және ҰҰА (БПЛА) қауіптеріне қарсы іс-қимылға баса назар аударылды, террористік акт жасау қауіпі төнген кезде іс-қимылдардың бастапқы алгоритмі бойынша бейнеролик көрсетілді.

«Терроризм актісі» хабарламасын алу кезіндегі іс-қимыл алгоритмінің негізгі ережелері және жағдайдың теріс дамуының қатерлері бойынша алғашқы іс-қимылдар түсіндірілді.

Материал Жамбыл облысы бойынша ҰҚКД

ақпараты негізінде дайындалды

Источник: Антитеррористический центр Республики Казахстан