Атырау облысы бойынша Терроризмге қарсы комиссияның қолдауымен Теміржол және автобекеттерінде, «Дина» сауда базарында өзін-өзі жұмыспен қамтушыларға «Заңды білмеу жауаптылықтан босатпайды» атты кездесу өткізілді.

Ақпараттық топтың құрамында «Жәрдем-Атырау» КҚ-ның директорының орынбасары Е. Жаулин, дінтанушы-тарихшысы Н. Уттибаев, Атырау облысы Дін істері басқармасының бас маманы Е. Ерғалиев және Атырау облысы Полиция департаментінің Экстремизмге қарсы іс-қимыл басқармасының жедел уәкілі Д. Мұхамбеталиев болды.

Сарапшылар радикалды идеологияны алдын алу мақсатында бүгінгі күні теріс діни ағымдардың әсерінен қоғамда болып жатқан келеңсіз жағдайлардың күрт көбейіп жатқанын айтып, қоғамдық орындарда сақтанып жүруді ескертті.

Мамандар ақпараттық материалдар таратып, жан-жақты ақпарат беріп, радикалды идеологияның ұстанушылардың басты сипаттарын жете түсіндірді.

Сонымен қатар кездейсоқ ұсынған діни әдебиеттерден аулақ болып, тек қана арнайы бекітілген басылымдар мен әдебиеттерді пайдалану керектігін айтып, діни сауатты болуға шақырды.

Жалған діни ақпарат таратқан жағдайда заң шеңберінде жаза қолданылатыны, ҚР «Әкімшілік құқық бұзушылық туралы» Кодекстің 453 және 490-баптарында көзделген құқықтық жауапкершілікке назар аударды.

Материал Атырау облысы бойынша Терроризмге қарсы

комиссия аппаратының ақпараты негізінде дайындалды

Источник: Антитеррористический центр Республики Казахстан