Қамысты ауданында халықтың діни сауаттылығы және этносаралық келісімді нығайту мәселелері бойынша түсіндіру кездесулері өтті.Қостанай облыстық ақпараттық-түсіндіру тобының мүшесі Р.Ж.Мырзағалиев - Қазақстан халқы Ассамблеясының мүшесі, Қостанай облысының «Жастар Ассамблеясы» өңірлік қоғамдық бірлестігінің басшысы аудандағы Арқа және Қарабатыр ауылдарына барды. Кездесулердің негізгі мақсаты - діни экстремизмнің алдын алу, сыни ойлауды қалыптастыру және қоғамның тұрақтылығын нығайту. Іс-шаралар барысында «этносаралық саладағы араздық тілінің алдын алу», «ұлтаралық және конфессияаралық келісімді нығайтудағы жастардың рөлі» және «өзіңмен және басқалармен тату өмір сүру» сияқты өзекті тақырыптар қаралды.Р.Мырзағалиев кездесулерде мектеп оқушыларына сыйластық қарым-қатынастың маңыздылығы және ұлттық белгілері бойынша кемсітушілікке жол бермеу, сондай-ақ, қоғамдық бейбітшілік пен келісімді сақтауға әркімнің қалай үлес қоса алатындығы туралы сөз қозғады.Жас қатысушыларға бейбітшілік пен келісім өздігінен болмайтындығы және олардың артында күнделікті жұмыс, оның ішінде жастар да бар екендігі жеткізілді.Жалпы, аудан аумағында халық арасында түсіндіру жұмыстарын діни экстремизмнің алдын алу және этносаралық және конфессияаралық келісімді нығайту мақсатында аудандық ішкі саясат және полиция бөлімдерінің өкілдері, учаскелік инспекторлар, мұғалімдер, сондай-ақ қоғамдық пікір көшбасшыларынан құрылған Қамысты аудандық ақпараттық тобы жұмыс жасауда.Профилактикалық жұмыстарды тұрақты жүргізу түрлі әлеуметтік топтарды диалогқа тартуға ықпал етеді және халықтың діни және құқықтық сауаттылық деңгейін арттырады.Қорытынды іс-шара аудандық мәдениет үйінде «өзіңмен және басқалармен бейбіт өмір сүру» тренингі болды. Руслан Жүсіпбекұлы мемлекеттік этносаралық саясаттың басымдықтары, Қазақстан халқы Ассамблеясының 30 жылдығы туралы егжей-тегжейлі айтып, әлеуметтік роликтерді көрсетіп, этносаралық алауыздықты қоздырғаны үшін жауапкершіліктің нақты мысалдарын келтірді.Мұндай кездесулер азаматтық жауапкершілікті, отансүйгіштікті және Қазақстанда тұратын халықтың сан алуандығын құрметтеуді дамытуға ықпал етеді. Іс-шараны Қамысты ауданы әкімдігінің ішкі саясат бөлімінің тапсырысы бойынша «Қостанай облысының психологтар қауымдастығы» ҚҚ ұйымдастырды.

Материал Қостанай облысы бойынша ТҚК аппаратының ақпараты негізінде дайындалды

Источник: Антитеррористический центр Республики Казахстан