Өскемен қаласының «Юбилейный» кинотеатры персоналы үшін ҰҚК департаментінің терроризмге қарсы орталығы бөлімі және терроризмге қарсы комиссиясының қызметін қамтамасыз ету бөлімі өкілдерінің қатысуымен ақпараттық-түсіндіру іс-шарасы өткізілді.

Кездесу барысында терроризм актісі туралы анонимді хабарлама түскен жағдайдағы іс-қимыл алгоритмі, көрінеу жалған хабарлама үшін жазаның бұлтартпастығы, қолдан жасалған жарылғыш құрылғының белгілері және табылған жағдайдағы іс-әрекет алгоритмі, терроризм актісін болғызбауға немесе жолын кесуге көмектескен ақпарат үшін сыйақы белгілеу және төлеу қағидалары сияқты тақырыптар талқыланды.

Іс-шара соңында, дағдарысты жағдай орын алған кездегі объектінің персоналын эвакуациялау және бастапқы өрт сөндіру құралдары жөніндегі нұсқаулықтарды ұйымдастыру бойынша ұсыным берілді.

Материал Шығыс Қазақстан облысы бойынша Терроризмге қарсы

комиссия аппаратының ақпараты негізінде дайындалды

Источник: Антитеррористический центр Республики Казахстан