Сайрам ауданы Көлкент ауылындағы «Ә.Мұзрапов» атындағы жалпы білім беретін мектебінде экстремизм мен терроризм профилактикасы бағытында арнайы түсіндіру жұмыстары ұйымдастырылды.Іс-шараға аудандық Терроризмге қарсы комиссиясының және ақпараттық насихаттық тобының мүшелері қатысты.Іс-шараның мақсаты – мектеп оқушылары мен ұстаздар арасында экстремизм мен терроризмге қарсы сауаттылықты арттыру және олардың алдын алу тетіктерін нақты түсіндіру болды.Кездесу барысында мамандар экстремизм мен терроризм идеологиясының жасөспірімдерге тигізер зияны және қоғам тұрақтылығына келтіретін қауіптері жан-жақты түсіндірілді.Экстремизм мен терроризм идеялогиясының белгілерін, олардың жастармен жұмыс жасау әдістерін және олардан қорғану жолдары жеткізілді.Сонымен бірге, экстремизм мен терроризм идеясын насихаттайтын материалдардың, әсіресе интернеттегі парақшалардың оқушылар санасына теріс әсер ететінін ескертіліп, олардан сақтану жолдары түсіндірілді.Теріс идеологияның жетегіне түскен адамдардың мінез-құлқындағы өзгерістер мен алғашқы белгілері жайлы айтып, отбасындағы қарым-қатынас пен қоғамдағы қолдаудың маңызын ерекше атап өтті.Кездесу қорытындысымен, оқушылар және ұстаздар тарапынан көптеген сұрақтар қойылып, пікір алмасты. Террористік және экстремистік ұйымдардың интернет кеңістігін қалай пайдаланатынын, балалар мен жасөспірімдерді олардан қалай қорғауға болатынын сұрап, нақты әрі пайдалы жауаптарын алды.

Материал Түркістан облысы ТҚК аппаратының ақпараты негізінде дайындалды

Источник: Антитеррористический центр Республики Казахстан