Алматы және Қарағанды облыстарының терроризмге қарсы күрес жөніндегі жедел штабтарының дайындығын тексеру мақсатында жоспарға сәйкес «Антитеррор - 2023» оқу-жаттығулары өткізілді.

Шаралар өтетін мекендер ретінде Қонаев пен Теміртау қалалары және Қарағанды облысының Қарабас пен Ботақара ауылдары белгіленді. ҚР ҰҚК ТҚО-ның әзірлеген алгоритімдеріне сәйкес террористік тұрғыдан осал об

ъ

ектілерде терроризм актісі болған жағдайлар бойынша жаттығулар өткізілді. Солардың бірі - Қапшағай көлінің жағалауында орналасқан «GOA» демалыс кешені.

Орын алған терроризм актісіне сәйкес жедел штаб құрылып, терроризм актісін жою бойынша кешенді жұмыстар атқарылды.

Аймақтарда өткізілген оқу-жаттығулар барысында, шартты террористтер кепілге алынған адамның денесіне жарылғыш затты орналастырды. Жарылысты болдырмау мақсатында жедел топтар арнайы жабдықтардың көмегімен жарылғыш затты залалсыздандырды. Шартты террористтермен келіссөз жүргізу тобының кәсіби іс-қимылдары арқасында  кепілге алынған адамдар босатылды.

Сонымен қатар, облыстық терроризмге қарсы күрес жөніндегі жедел штабтардың мүшелеріне жедел-тактикалық жаттығулардың қорытындысы бойынша жиын өткізілді. Жедел штабтардың жұмысына қатысты нормативтік құқықтық актілерді білу деңгейін анықтау мақсатында  топ басшылары мен орынбасарлары арасында тестілеу өткізіліп, оң нәтижеге қол жеткізілді.

 

Материал Алматы және Қарағанды облыстары бойынша

ҰҚК департаментерінің ақпараты негізінде дайындалды

_____________________________________________________

 

Источник: Антитеррористический центр Республики Казахстан