Кездесу аясында Вице-министр қойылған сұрақтарға жауап беріп, қазіргі уақытта әділет органдарымен өзара іс-қимыл кезінде кездесетін мәселелерге тоқталып, оларды шешу жолдарын түсіндіріп өтті. Олардың ішінде: заң қызметтері, зияткерлік меншік құқықтарын қорғау, құқықтық түсіндіру жұмыстары, «Электрондық үкімет» веб-порталы, «Е-Өтніш» ақпараттық жүйесі, цифрлы нотариат сияқты жобалар таныстырылды.

«Азаматтардың құқықтары мен мүдделерін қамтамасыз ету бойынша Министрлікке жүктелген міндеттерді орындау жалғасуда. Құқықтық кеңес беру түрінде тегін заң көмегіне кепілдік беретін адамдар тобы кеңейтілді.

Сондай-ақ көп балалы отбасыларда алимент өндіріп алу мәселелері бойынша, тұрмыстық зорлық-зомбылық мәселелері бойынша, ҰОС қатысушылары, соғыс ардагерлері, мерзімді қызметтегі әскери қызметшілер, бірінші және екінші топтағы мүгедектігі бар тұлғалар, жасына байланысты зейнеткерлер соттарда тегін заң көмегін қолдана алады. Дәл осындай көмекті заң кеңесшілері де көрсетеді.

Ағымдағы жылдың 1 жартыжылдығында өңірлеріңіз бойынша 6 мыңға жуық (6969) азаматқа тегін заң көмегі көрсетілді «Осы жылдың 1 қаңтарынан бастап елімізде Конституциялық Сот жұмыс істейді, оған еліміздің барлық азаматтары жүгіне алады».-деп атап өтті Әділет вице-министрі Бекболат Молдабеков.

Источник: Министерство юстиции Республики Казахстан