№5,75,77,104 жалпы білім беретін мектептер, сондай-ақ «Мадейра Мерей» атындағы және «Астана» мектептерінде шетелдік діни білім тақырыбында ақпараттық-түсіндіру кездесулері өтті. Аталған іс-шараларға мыңға жуық оқушылар қатысты.  Теологтар  шетелде білім алу кезінде жастардың жалған ақпаратқа, радикалды ағымдардың ықпалына тап болуы мүмкіндіктерін айтып өтті. Қатысушыларға тек ресми және мойындалған білім беру орталықтарына сену, сондай-ақ білікті теологтардан кеңес алу маңызды екенін түсіндірілді. Мамандар діни сауаттылықтың жеткіліксіздігі мен тексерілмеген дереккөздерге сену экстремистік топтарға қосылуға себеп болуы мүмкін екенін атап көрсетті.   Оқушылар өздерін қызықтырған сұрақтарын қойып, қауіпсіз ақпарат көздерін ықтимал қауіпті ақпарат көздерінен қалай ажыратуға болатыны туралы түсінікті жауаптар алды. Кездесулер жастар арасында радикалды ықпалдарға қарсы хабардарлықты және төзімділікті арттыруға көмектесті.     Материал Шымкент қ. ТҚКақпараты негізінде дайындалды

 

Источник: Антитеррористический центр Республики Казахстан