Түркістан облысы Сайрам аудандық ішкі саясат бөлімінің ұйымдастыруымен аудан жастары арасында радикалды ағымдарға қарсы иммунитет қалыптастыру және олардың таралуының алдын алу, ұлттық құндылықтарды кеңінен насихаттау мақсатында, дін саласындағы Республикалық ақпараттық-түсіндіру тобының мүшесі, Сарыағаш медресе-колледжінің директоры Сманов Дінмұхаммед Абдужаппарұлының қатысуымен, А. Исмаилов атындағы кәсіптік, Д. Қонаев атындағы аграрлық-техникалық колледж студенттерімен «Ел боламын десең, бесігіңді түзе» тақырыбында кездесу өткізілді.

Кездесу барысында колледж студенттеріне теріс діни ағымды уағыздаушылар, әлеуметтік желідегі діни экстремистік және террористік белгілері бар парақшалар мен контенттерден сақтандыру бойынша танымдық ақпараттар берілді.

Іс-шара соңында, тақырыпқа байланысты студенттер мен ұстаздар тарапынан бірқатар сұрақтар қойылып, сала мамандары тиісті жауаптарын берді.

Жалпы кездесулерге 300-ге жуық студенттер қатысты.

Материал Түркістан облысы бойынша ТҚК

аппаратының ақпараты негізінде дайындалды

Источник: Антитеррористический центр Республики Казахстан