ҰҚК Қарағанды облысы департаменті Терроризмге қарсы орталығы бөлімінің және Қарағанды облысы әкімдігінің Терроризмге қарсы комиссиясының мамандары түсіндіру жұмысы шеңберінде №3 гимназияда 81 мектеп басшыларымен оқыту семинарын өткізді.

Сабақ барысында қатысушылар террористік сипаттағы қатерлерге ден қою шараларын жүзеге асыру бойынша толық мәліметпен қамтылды.

Сонымен қатар, терроризм актісін жасау кезіндегі ықтимал салдарларды модельдеу және террористік тұрғыдан осал объектілердің терроризмге қарсы қорғалуының жай-күйін бағалау туралы ақпарат жеткізілді.

Ұйымдастырушылар терроризмге қарсы іс-қимыл саласындағы заңнаманың талаптарын түсіндіріп, «Хабарламаларды қауіптілік тұрғысынан бағалау критерийлерін анықтай отырып, анонимді көріністер фактілеріне оңайлатылған ден қоюды ұйымдастыру тетігі» тақырыбында дәріс оқыды.

Иесіз күдікті заттар табылған жағдайда алғашқы әрекет ету алгоритмі талқыланды. Аталған объектілердің басшыларына террористік сипаттағы қауіп төнген жағдайда іс-қимыл тәртібі жеткізілді.

Жалпы, семинар сындарлы-іскерлік тұрғыдан өтті.

Материал Қарағанды облысы бойынша Терроризмге қарсы

комиссия аппаратының ақпараты негізінде дайындалды

_____________________________________________________

Источник: Антитеррористический центр Республики Казахстан