Түркістан облысында 2026-2027 жаңа оқу жылына Техникалық және кәсіптік, орта білімнен кейінгі білім беру (ТжКБ) ұйымдарына құжаттарды қабылдау басталды. Кәсіптік білім алам десеңіз, құжаттарды колледжің қабылдау комиссиясына бару арқылы немесе қабылдау комиссиясына бармай-ақ, колледжге қабылдау туралы өтінім беруге мүмкіндік беретін ТжКБ ұйымына құжаттарды қабылдау» мемлекеттік қызметі — қызмет алушыға «Электрондық үкіметтің»

www.egov.kz

веб-порталы арқылы жүзеге асыруға мүмкіндігіңіз бар. Қызметті пайдалана алатындар: 18 жасқа толмаған абитуриенттер ата-анасымен немесе заңды өкілдерімен бірге өтінім береді, ал 18 жаста және одан асқан абитуриенттер өздігінен жүгіне алады. Қазақстан Республикасының бейрезиденттері, білім туралы құжаты цифрландырылмаған өткен жылдардың бітірушілері, патронаттық тәрбиедегі абитуриенттер, сондай-ақ бас бостандығынан айыру орындарындағы абитуриенттердің заңды өкілдері колледждің қабылдау комиссиясына тікелей жүгіну арқылы қағаз түрінде өтінім береді. ТжКБ ұйымдарына құжаттарды қабылдау кестесі Бағдарламалар категориясы / оқу нысаны Өтінімдерді қабылдау мерзімі Білікті жұмысшы кадрларды даярлауды көздейтін техникалық және кәсіптік білім беру бағдарламалары; арнайы оқу бағдарламалары; діни ұйымдарға түсу; қылмыстық-атқару жүйесінің түзеу мекемелеріне жіберілгендер және сотталғандар Күндізгі: 25 маусым - 27 тамыз Орта буын мамандары мен қолданбалы бакалаврларды даярлауды көздейтін техникалық және кәсіптік, орта білімнен кейінгі білім беру бағдарламалары Күндізгі (мемлекеттік тапсырыс): 25 маусым - 22 тамыз Күндізгі (ақылы негізде): 25 маусым - 27 тамыз Сырттай: 25 маусым - 20 қыркүйек Техникалық және кәсіптік, орта білімнен кейінгі білім берудің білім беру бағдарламалары (шығармашылық дайындықты қажет ететін мамандықтар) Күндізгі: 25 маусым - 20 шілде Техникалық және кәсіптік, орта білімнен кейінгі білім берудің білім беру бағдарламалары (педагогикалық, медициналық мамандықтар) Күндізгі: 25 маусым - 10 тамыз Сіздер үшін мемлекеттік грант тізімін және қызықтырған мамандықтарыңыз туралы ұсынамыз! Жаңа 2026-2027 оқу жылына техникалық және кәсіптік, орта білімнен кейінгі білімнің білімі бар кадрларды даярлауға 15 600 орын бөлінді. Оның ішінде: * Білім беру саласы – 1425 орын; * Өнер және гуманитарлық ғылымдар саласы – 400 орын; * Әлеуметтік ғылымдар және ақпарат саласы – 25 орын; * Кәсіпкерлік, басқару және құқық саласы – 275 орын; * Жаратылыстану ғылымдары, математика және статистика саласы- 50; * Ақпараттық-коммуникациялық технологиялар саласы – 2685 орын; * Инженерлік, өңдеу және құрылыс салалары – 7840 орын; * Ауыл, орман, балықшаруашылығы және ветеринария саласы – 700 орын; * Денсаулық сақтау және әлеуметтік қамтамасыз ету саласы – 650 орын; * Қызметтер – 1550 орынға мемлекеттік білім беру тапсырысы бөлініп, өңіріміздің 44 колледжінде орналастырылды. Колледжге ұсынылатын құжаттар тізімі: 1) құжаттарды қабылдау туралы өтініш; 2) білімі туралы құжаттың түпнұсқасы; 3) 3x4 см көлеміндегі цифрлық фотосурет; 4) № 075-У нысаны бойынша медициналық анықтама, бірінші немесе екінші топтағы мүгедектігі бар адамдар мен бала жасынан мүгедектігі бар адамдар үшін № ҚР ДСМ-175/2020 бұйрығымен бекітілген № 031-У нысаны бойынша медициналық-әлеуметтік сараптама қорытындысы; 5) арнаулы мемлекеттік органдар және құқық қорғау органдары, азаматтық қорғау органдары, мемлекеттік фельдъегерлік қызмет қызметкерлерінің, қызметтік міндеттерін атқару кезінде қаза тапқан (қайтыс болған) немесе мертiгуi (жаралануы, жарақаттануы, контузия алуы) салдарынан мүгедектік белгіленген әскери қызметшілердің, сондай-ақ медицина қызметкерлерінің балаларын (оның ішінде асырап алған ұлдарын, асырап алған қыздарын, бірге тұратын өгей ұлдары мен өгей қыздарын) мәртебесін растайтын құжаттың электрондық көшірмесі (болған жағдайда); 6) цифрлық құжаттар сервисінен электрондық құжат (тұлғаны салыстыру үшін). Шетелдіктер және азаматтығы жоқ адамдар олардың мәртебесін айқындайтын, тұрғылықты жері бойынша тіркелгендігі туралы белгісі бар құжатты ұсынады: 1) шетелдік – шетелдіктің (заңды өкіл) ҚР-нда тұруға ықтияр хаты; 2) азаматтығы жоқ тұлға – азаматтығы жоқ тұлғаның куәлігі; 3) босқын – босқын куәлігі; 4) пана іздеуші тұлға – пана іздеуші тұлғаның куәлігі; 5) қандас – қандас куәлігі. «Электрондық үкіметтің»

www.egov.kz

веб-порталы арқылы өтініш берген кезде талап етілетін құжаттар: 1) талапкердің немесе ата-анасының (немесе оның заңды өкілдерінің) бірінің электрондық құжат нысанындағы өтініші; 2) электрондық түрдегі білім туралы құжат; 3) № 075-У нысаны бойынша электрондық медициналық анықтаманың, бірінші немесе екінші топтағы мүгедектігі бар адамдар мен бала жасынан мүгедектігі бар адамдар үшін № 031-У нысаны бойынша медициналық-әлеуметтік сараптама қорытындысының электрондық көшірмелері; 4) арнаулы мемлекеттік органдар және құқық қорғау органдары, азаматтық қорғау органдары, мемлекеттік фельдъегерлік қызмет қызметкерлерінің, қызметтік міндеттерін атқару кезінде қаза тапқан (қайтыс болған) немесе мертiгуi (жаралануы, жарақаттануы, контузия алуы) салдарынан мүгедектік белгіленген әскери қызметшілердің, сондай-ақ медицина қызметкерлерінің балаларын (оның ішінде асырап алған ұлдарын, асырап алған қыздарын, бірге тұратын өгей ұлдары мен өгей қыздарын) мәртебесін растайтын электрондық құжат (болған жағдайда); 5) 3x4 см көлеміндегі цифрлық фотосурет; Талапкердің жеке басын куәландыратын құжат, білімі туралы құжат, медициналық анықтамалары көрсетілетін қызметті беруші тиісті мемлекеттік ақпараттық жүйелерден "электрондық үкімет" шлюзі арқылы алады. Мемлекеттік білім беру тапсырысын орналастыру туралы ақпарат және колледждер тізімі қосымшадағы файлдарда көрсетілген. Қосымша сұрақтар бойынша жұмыс уақытында (дүйсенбі – жұма күндері, сағат 9:00-13:00, 15:00-19:00 аралығында), төмендегі телефондар арқылы байланысуға болады: 87771531812, 87012563378  

Источник: ГУ "Аппарат акима Туркестанской области"