Түркістан облысы Терроризмге қарсы комиссиясының жұмысшы тобымен облыс аумағындағы ДДА жақтастары ең көп шоғырланған Сайрам және оған іргелес Түлкібас аудандарына іс-сапар ұйымдастырылып, аудандық ТҚК-ға экстремизм мен терроризмге қарсы іс-қимыл және олардың алдын алу бойынша әдістемелік-тәжірибелік көмек көрсетілді. Іс-сапар барысында Аудандық ТҚК-ның кезектен тыс комиссиялық отырыстары өткізілді. Отырыстарда облыстық ТҚК-мен және аудандық ТҚК-ның хаттамалық тапсырмаларының орындаушылық тәртібі, 2025 жылы атқарылған профилактикалық шаралары қаралып, бағаланды. Отырыс нәтижесімен төмен нәтиже көрсеткен ТҚК мүшелеріне жұмысты жүйелі атқару бойынша көмек көрсетіліп, тиісті бағыт-бағдар берілді. Отырыс қорытындысымен облыстық ТҚК-мен 2026 жылға қойылған жоспар талқыланып, атқарылуы тиіс іс-шаралар туралы хаттамалық тапсырмалар берілді. Сонымен бірге, комиссия мүшелері тарапынан баяндамашыларға тиісті сұрақтар қойылып, аталған бағытта жұмыстарды жүйелі ұйымдастыруды тапсырды. Іс-сапар соңында аудандық ТҚК мүшелеріне ең алдымен басым бағытты экстремизм мен терроризмнің алдын-алуға бағыттау қажет екенін және бұл бағытта кәмелетке толмағандар арасындағы құқық бұзушылыққа қарсы профилактикалық шараларды белсендету туралы жеткізілді. Отырыстардың қорытындысы бойынша аудандық ТҚК мүшелері тарапынан сын-пікірлер айтылып, сұрақтар қойылды және комиссия мүшелерімен жауаптар берілді.      Материал Түркістан облысы бойынша ТҚК аппаратының ақпараты негізінде дайындалды  

Источник: Антитеррористический центр Республики Казахстан