Бүгін облыс әкімі Бейбіт Исабаев азаматтар үшін жеке қабылдау өткізді, - деп хабарлайды Жетісу облысы әкімінің баспасөз қызметі.

Қабылдауға 2 адам кірді. Азаматтардың екеуі де тұрғын үй проблемаларына байланысты мәселелерді көтерді.

Соның бірі А. Тоқпанбетова Талдықорғандағы коттедж қалашығынан берілген тұрғын үйдің құжаттарын заңдастыруды сұрады және үй шатырын жөндеуге көмек қажеттігін айтты. Бұл мәселенің шешімін қарастыру Талдықорған қаласы әкімдігіне тапсырылды. А. Тоқпанбетова қала әкімдігіне тиісті құжаттарды түгендеп өткізгеннен кейін тұрғын үйдің құжаттары заңға сәйкес рәсімделетін болады. Ал шатыр жөндеу мәселесінде демеушілер тарту қажет.  

Тағы бір талдықорғандық К. Тазабекова көтерген мәселе - тұрғын үй кезегін қайта қалпына келтіру.  Ол мүгедек ретінде тұрғын үй кезегіне тұрғанымен, кейін мүгедектігі алынып тасталуына байланысты кезектен шығып қалғанын айтып, өз кезегін зейнеткер ретінде қайта қалпына келтіруге көмек сұрайды. Бұл мәселе бойынша ол сотқа талап арыз берген. Облыс әкімі сот шешімі шыққаннан кейін соған сәйкес тиісті шаралар атқаруды қала әкімі Ернат Бәзілге тапсырды.

Жетісу облысы әкімінің баспасөз қызметі.

Источник: ГУ «Аппарат Акима города Талдыкоргана»