ҚР ҰҚК Терроризмге қарсы орталығы (бұдан әрі – ТҚО) Штабының үйлестіруімен Түркістан облысы Әкімдігі ғимаратында көлік инфрақұрылымы және ірі сауда объектілеріндегі терроризмге қарсы іс-қимыл шараларын ұйымдастыру мәселелері бойынша жиналыс өткізілді.Аталған отырыс көлік инфрақұрылым және ірі сауда объектілерінде тоқсан сайын өткізілетін теориялық және практикалық антитеррористік іс-шаралардың кестесін әзірлеу жөніндегі тапсырманы орындау мақсатында ұйымдастырылды.Жиналысқа көлік инфрақұрылымы объектілерінің басшылары мен жауапты қызметкерлері, желілік полиция бөлімінің бастығы, «Әскерилендірілген теміржол күзеті» ЖШС Түркістан филиалы бастығы, Түркістан халықаралық әуежайының қауіпсіздік қызметінің бастығы және ірі сауда үйлерінің басшылары мен өзге де күзет қызметі субьектілерінің өкілдері қатысты.Іс-шара барысында көлік инфрақұрылымы мен сауда объектілерінің терроризмге қарсы қорғалуын қамтамасыз ету, объектілерде төтенше жағдайлар туындаған кезде әрекет ету тәртібі, қызметкерлердің даярлық деңгейін арттыру және практикалық тәжірибе жинақтау мәселелері талқыланды. Терроризмге қарсы іс-шараларды өткізуге, ҚР ҰҚК аумақтық органдары мен көлік прокуратурасының өкілдерін сарапшы ретінде тарту қажеттілігі атап өтілді.Сонымен бірге, ҚР Сауда және интеграция министірінің 2023 жылғы 5 қазандағы №366 «Қазақстан Республикасының сауда саласындағы қызметті жүзеге асыратын террористік тұрғыдан осал объектілерінің терроризмге қарсы қорғалуын ұйымдастыру жөніндегі нұсқаулықты бекіту туралы» бұйрықты түсіндіру. Жиын қорытындысы бойынша, Көлік инфрақұрылымы және ірі сауда объектілерінің қауіпсіздігін арттыру мақсатында сұрақтар қойылып қызметкерлер тарапынан толық жауаптар берілді.

ҚР ҰҚК Түркістан облысы бойынша департаменті ТҚО бөлімі

Источник: Антитеррористический центр Республики Казахстан