Ұлытау облысында қоғамның тұрақтылығын нығайту және зайырлы құндылықтарды кеңінен насихаттау мақсатында ақпараттық-түсіндіру кездесулері жалғасуда. Бұл жолғы шараларда теолог, дінтанушы Талдыбаев Төлеген Өмірзақұлы өңірдің білім беру мекемелерінде және өндіріс орындарында болып, тұрғындарға маңызды түсіндіру жұмыстарын жүргізді.Кездесулер барысында спикер қоғамдағы зайырлы қағидаттардың мәнін, мемлекет пен дін қатынасының құқықтық негіздерін және діни экстремизмнің қоғам үшін қандай қатер төндіретінін жан-жақты түсіндірді. Ол әсіресе интернет кеңістігінде таралатын жалған, деструктивті мазмұндағы материалдардың ықпалын атап өтіп, мұндай ақпараттарға қарсы иммунитет қалыптастырудың маңызын нақты мысалдар арқылы жеткізді. Теолог жастарға және еңбек ұжымдарының өкілдеріне құқықтық сауаттылықты арттырудың, өзара құрмет пен түсіністік мәдениетін нығайтудың қоғам бірлігін сақтаудағы рөлі ерекше екенін түсіндірді.Кездесулер еркін пікір алмасу формасында өтіп, қатысушылар көкейдегі сұрақтарын қойып, толыққанды жауап алды. Әңгіме барысында тұрғындар зайырлылықтың мемлекеттік тұрақтылықты қамтамасыз етудегі орны, радикалды идеологиялардың алдын алу жолдары және ұлттық қауіпсіздікке үлес қосу мәселелерін тереңірек түсінуге мүмкіндік алды.Өткізілген ақпараттық-түсіндіру жұмыстары өңірдегі тұрғындардың зайырлы құндылықтарға деген көзқарасын нығайтып, діни экстремизмге қарсы тұруға бағытталған қоғамдық иммунитетті күшейтуге ықпал етті. Мұндай бастамалардың жалғасуы қоғамдағы тұрақтылық пен бірлікті сақтаудың маңызды тетігі болып отыр.

Материал подготовлен на основе информации аппарата АТК по области Ұлытау

Источник: Антитеррористический центр Республики Казахстан