Қызылорда облысы әкімі жанындағы Терроризмге қарсы комиссияның 3-ші тоқсан бойынша кезекті отырысы өткізілді.

Іс-шараға комиссия құрамына кіретін мемлекеттік органдардың басшылары, қала және аудан әкімдері, құқық қорғау органдарының өкілдері, әкімдіктің басқарма басшылары, өзге де мүдделі тұлғалар қатысты.

Отырыс барысында, ақпараттық кеңістікте, соның ішінде интернетте діни экстремизм мен терроризмге қарсы насихаттауды жетілдіру жағдайы мен шаралары, туындаған проблемалар мен оларды шешу жолдарының жай-күйі қаралды. Сонымен қатар ұйымдастырылып жатқан шаралардың сапасы мен нәтижелілігі бойынша нақты шешімдер қабылданды.  

Бұдан бөлек, өңірде терроризм профилактикасын жүргізудің тиімділігін арттыру мақсатындағы әлеуметтік жобалардың жүзеге асырылуы туралы сұрақтар талқыланды.

Кездесу соңында күн тәртібіндегі өзекті мәселелер жайында бірқатар хаттамалық шешімдер қабылданып, өңірдегі діни ахуалды сауықтыруға бағытталған тиісті шаралар қарастырылды.

Материал Қызылорда облысы бойынша Терроризмге

қарсы комиссия аппаратының ақпараты негізінде дайындалды

___________________________________________________________

Источник: Антитеррористический центр Республики Казахстан