Қазақстан Республикасы Мәдениет және ақпарат министрлігінің Дін істері комитеті іске асыратын жоба шеңберінде СҚО әкімдігі Дін істері басқармасының қолдауымен жастардың нысаналы топтарымен ақпараттық-профилактикалық іс-шаралар кешені ұйымдастырылды.

Облыс аумағында жалғасын тапқан ақпараттық-түсіндіру семинары бұл жолы Ш. Уалиханов ауданы Кішкенекөл қазақ мектеп-гимназиясының, Ғ. Мүсірепов ауданы Новоишим қазақ орта мектебінің оқушылары және Тайыншы ауданының жастары арасында өткізілді.

Іс-шарада Республикалық ақпараттық-түсіндіру тобының мүшесі– Абай облысы Дін мәселелерін зерттеу орталығы КММ директоры Өмірханов Мақсат «Қазақстан Республикасындағы жалпы білім берудің зайырлы сипаты» және «Дін мен дәстүр сабақтастығы» тақырыптары бойынша дәріс өткізді.

Аталған жобаның мақсаты - жастардың экстремизмге қарсы санасын қалыптастыру, діни экстремизмге қарсы іс-қимыл мәселелерінде құқықтық және азаматтық жауапкершілік деңгейін арттыру, Қазақстан жастарын радикалды және деструктивті діни ағымдарға тартуға жол бермеу.

Сондай-ақ  кездесу барысында Қазақстан Республикасының дін саласындағы заңнамасының негізгі талаптары, оларды бұзғаны үшін жауапкершілік жеткізіліп, деструктивті діни ағымдардың белгілері қарастырылды.

Кездесу барысында туындаған сұрақтардың барлығына жауап алынды.

Материал ҚР ҰҚК СҚО бойынша

департаментінің ақпараты негізінде дайындалды

Источник: Антитеррористический центр Республики Казахстан