Шымкент қаласындағы Терроризмге қарсы комиссия аппараты аумақтық Терроризмге қарсы орталықпен бірлесіп, экстремизмнің және терроризмнің профилактикасына жұмылдырылған мемлекеттік орган өкілдеріне арнайы түсіндіру сабақтарын ұйымдастырды.

Іс-шара мақсаты -  экстремизмнің және терроризмнің профилактикасы саласындағы ахуалдың дамуына ықпал ететін қоғамдық-саяси, әлеуметтік-экономикалық және діни процестер туралы ақпаратты сапалы талдау және терроризмге қарсы комиссияға тиісті ұсыныстар әзірлеу.

Аумақтық Терроризмге қарсы орталық өкілдері мемлекеттік орган мүшелеріне консультативтік-кеңесші органның (Терроризмге қарсы комиссия) негізгі міндеттері, функциялары, құқығы және осы органның құрамы мен жұмысын ұйымдастыру мәселесінде бірнеше ақпараттармен таныстырып, кейіннен Республикалық Терроризмге қарсы орталықпен дайындалған арнайы бейнероликтерді және жаднамаларды көрсетті.

Терроризмге қарсы орталық өкілдері бұндай іс-шаралар алдағы уақытта жалғасын табатындығын жеткізді.

Материал Шымкент қаласы Терроризмге қарсы

комиссия аппаратының ақпараты негізінде дайындалды

______________________________________________________________

Источник: Антитеррористический центр Республики Казахстан