Петропавл қаласында экстремизм және терроризмнің алдын-алу бойынша ақпараттық түсіндіру жұмыстарын жүргізу шеңберінде Солтүстік Қазақстан облысы әкімдігінің Дін істері басқармасының қызметкерлері кезекті профилактикалық іс-шараны өткізді.

Сала мамандары Н. Нұрмағамбет пен А.Серіков «Солтүстік Қазақстан облысы әкімдігінің дене шынықтыру және спорт басқармасы» коммуналдық мемлекеттік мекемесінің су спорты түрлері «Дельфин» және «Барыс»  балалар-жасөспірімдер спорт мектебінің қызметкерлері және спортшыларымен кездесті.

«Жастарды террористік және экстремистік қызметке тарту технологиясы» тақырыбында өткен іс-шарада спикерлер діни экстремизм дінді насихаттау түрінде әрекет ете отырып, қауіпті көзқарастар мен қағидаттарды санаға сіңіретінін, адамгершілік пен құқық нормаларын бұзып, демократия институттары мен азаматтық қоғамның қалыптасуына кедергі келтіретінін жеткізді.

Сарапшылар тыңдаушыларға теріс діни ағымдардың белгілері, адамдарды экстремистік және террористік ұйымдарға тартудың психологиялық әдістері туралы айтып берді. Сондай-ақ, ол қоғамдық қауіпсіздікті сақтау және мемлекеттің өсіп-өркендеуіндегі конфессияаралық келісімнің рөлін ерекше атап өтті.

Қызметкерлер қоғамда белең алған мәселеге қатысты түрлі сұрақтар қойып, тұшымды жауап алды. Тәрбиелік әрі танымдық шара қатысушылардың үлкен қызығушылығын тудырып, мол мағлұматқа қанықты.

Материал Солтүстік Қазақстан облысы бойынша

ҰҚК департаментінің ақпараты негізінде дайындалды

___________________________________________________________

Источник: Антитеррористический центр Республики Казахстан