ҚР ҰҚК Қызылорда облысы және Байқоңыр қаласы бойынша департаментінің ТҚО бөлімінің ұйымдастыруымен терроризмге қарсы күрес жөніндегі Қызылорда облыстық жедел штабының қатысуымен командалық-штабтық оқу-жаттығу өткізілді.

Шараның негізгі мақсаты терроризмге қарсы операция өткізуге тартылған ҚОЖШ құрамындағы жедел топтардың теориялық дайындық деңгейін көтеру, жедел штабтардың террористік қауіп-қатерлерге қарсы тұру алгоритмдерін қолданудың бірыңғай тәртібін енгізу.

Облыстық жедел штабтың құрамындағы жедел топтардың (жедел топ жетекшілерінің) терроризмге қарсы операция өткізу кезіндегі функционалдық міндеттерін білу деңгейін анықтау мақсатында, шартты түрде террористік актінің орын алуы жөнінде кіріспе тапсырмалар беріп, олардың жүзеге асырылуы бойынша жұмыстары бағаланды.

Жетекшілерінің терроризмге қарсы іс-қимыл саласындағы нормативтік құқықтық актілермен жедел штабтардың қызметін регламенттейтін бірлескен бұйрықтарды білу деңгейін бағалау мақсатында, тестілеу сынағы қабылданды.

Жалпы ұйымдастырылған іс-шара ҚОЖШ құрамындағы жедел топтардың дайындық деңгейі мен теориялық білімінің жоғарлауына негіз болды.

Материал Қызылорда облысы және Байқоңыр қаласы

бойынша ҰҚК департаментінің ақпараты негізінде дайындалды

Источник: Антитеррористический центр Республики Казахстан